مركز دعم اتخاذ القرار بالديوان الملكي يعلن عن برنامج تطوير الخريجين 2024م (يبدأ قريباً)
الصندوق الصناعي يعلن فتح التقديم في برامج نخب المنتهية بالتوظيف 2024م (التقديم مفتوح)
وزارة الشؤون الإسلامية تعلن فتح باب التوظيف للجنسين في مختلف المناطق (التقديم مفتوح)
أرامكو السعودية تعلن فتح التوظيف المباشر في كافة التخصصات للعام 2024م (التقديم مفتوح)
تفاصيل الإعلان
التقديم مغلق التقديم مغلق
الوظائف الحكومية الحالية | الأرشيف | بحث الوظائف الحكومية

الخطوط السعودية تعلن وظائف للثانوية الصناعية والتقنية

المصدر: إعلان توظيف | تاريخ الإضافة: 25/04/2011
 
 
زيارات: 30104

للحصول على تبليغ يومي بالوظائف الحكومية ووظائف الشركة الكبرى في المملكة على جوالك ارسل رقم 1 إلى رمز الخدمة:
لمشتركي الجوال 801469 ، لمشتركي موبايلي 601989 ، مشتركي زين 701565
التعليقات (58)


master key
Saturday 14 May 2011, 3:36 pm
السلام عليكم يا شبااب ويا بنااات المشكله مو بالشروط التعجيزيه المشكله ما احد قد وجهنا وقلنا روحو الثانويه الصناعيه عشان الخطوط السعوووديه الله يحفضهم لنا يبونا بعد ما نعفن من العطاله ان نكون حاصلين علا هالشهايد وغيرها من الشهايد والتخصصات الي ما ادري عنها الا الحين ولا ادري وش فايدتها يله الله فوووق سلااام

شيقيحان
Thursday 12 May 2011, 10:17 am
وربي ماعندهم سالفه وش الشروط التعقيديه صدق انهم ماعندهم احساس بالمواطنين وين نحصل لكم خبره 7 سنوات وانا ادرس من وين اطلعت يعني انا كوني موظف واشوف وظيفه برات زياده مئه واجيكم عشان الشروط التعقيديه معصي انا طيب بالثانويه كيف اجيب لكم خبره 5 او 7 سنوات وانا ادرس قوولي لي صدق ماعندهم سالف بالعربي الفصيح هذا المجال للاجانب مو لنا بس يعقدونا بشروطهم الفاشله عشان لاقالو حنا فتحنا التسجيل ولا فيه حد جانا منانقول الى حسبيا الله عليكم وانتم وشروطكم

سلطان
Wednesday 11 May 2011, 12:59 am
T_T ياخي يقولك الا يتعدى عمره 26 اذا كان معك الكترونيات والا يزيد عمره عن 24 اذا كان ثانويه وانت تقول 1406؟ والله مستغرب كيف انت متخرج اصلا شغل عقلك ياخي 1406 يعني عمره 25 يعني موافق للشروط .. الله المستعان

احلام اكون مدرس
Wednesday 11 May 2011, 12:18 am
سلام عليكم ورحمة الله وبركاته شباب بنات الله يوظفكم انشاء الله مو هالخملق هذولى الله اما واظف شبابنا وبناتنا ياحي ياقيوم

توتو
Tuesday 10 May 2011, 6:43 pm
يا عاااااطلين صدقوووني ماكوا وظايف كل شي معقد يحسبون عقولنا مصاريه <<< منو يخاويني انتحر خخخخخخخخخخ والله يوفق الجميع تحياااتي

عااااااااااااطل ه
Wednesday 4 May 2011, 6:21 pm
الله يكووووووووووووون في عوون العاطليين والله يرزقهم بالوظيفه

مستر لجج
Wednesday 4 May 2011, 8:39 am
أنا عندي دورات وكل اللي يبونه عندي ولاكن ما أبي أتوظف لاتنكدو على نفسكم ترى الله يعوض عبيده ف الاخره ولا تجعلو الدنيا اكبر همكم

علي عبدالعزيز الكريشان
Wednesday 4 May 2011, 1:52 am
طيب لية ماافي تاااريخ 1405 وش تفرق .....معاااي موهلات الي طالبينهاا وزياادة بس الميلاد حقي مو موجوود لاحول ولا قوة الا بالله وفوق هذا تعجيز بالطلبات القياس ...

ريــم الجنوب
Tuesday 3 May 2011, 2:21 pm
حسبي الله ونعم الوكيل ايش هذي الشررررررررررررروووووط التعجيزية بنات شباب ماتلاحظون الشروط التعجيزية في كل الوظايف ؟؟ ليييييه ؟؟ واكثر شي استغربه لما يطلبون 6 او10 سنوات خبرة سبحان الله

عاطل باطل
Tuesday 3 May 2011, 10:11 am
والله مشكله الشروط هااذي ما تنطبق غير علي السعوديين بس لكن لو واحد مصري كان خرفنهم وظفوه علي طول

عبدالله الدوسري
Monday 2 May 2011, 3:05 pm
اجل عمره 24 المعهد الثانيو الصناعي مقفل له يمكن اربع سنوات ومستحيل الواحد يتخرج و عمره 21 وجاييني الحين تبون عمره 24 بالعربي هززززلت

حيدر النجار
Monday 2 May 2011, 2:11 pm
السلام عليكم ورحمة الله بس حبيت اقول اني ضيعت عمري بدراسة ودوراااااااااات ولافي فايدة يالواسطة يال...... وماقول الا الله يعين

فيصل @@
Sunday 1 May 2011, 8:30 am
يرحم ابوكم وين تحصلون الي فيه الشروط هذي وربي شروطكم تعجيز قولو مافيه وظائف اصرف من شروطكم التعجيزيه هذي لاكن الله الي يرزق الله كريم يا خوك

عاطل وشكرا يابلادي
Sunday 1 May 2011, 2:41 am
انا قدمت اوراقي على دوله خليجيه وقالوا جيب اخلاء طرف من دولتك وجيتهم قالوا مانعطيك احنا نحتاجك ولي فوق اربع سنوات ماتوضفت ماقول إلا الله لايوفقهم

خالد محمد القحطاني
Saturday 30 April 2011, 4:22 pm
متى بنتوظف وظايفه زي الناس متى يارب

حسبي الله ونعم الوكيل
Saturday 30 April 2011, 11:00 am
لاحول ولاقوه الا بالله العلي العظيم بالله هاذي شروط ياجماعه الخير الناس براء توضفت وتزوجت واحنا في بلادنا اصعب الشروط لا وبعد يبون القدررت 70 بالميه ليش هم يعقدون شي وهو سهل جدل لشاب السعودي انا ابي اعرف احنا نسسعى ونقدم ونخدم بلدنا ونامن نفسنا من كل شي وفي النهايه اصعب الشروط اللحين نسسبه قليله مجتازين هاذي الشروط لا وبعد متوضفين في شركات غير لخطوط اتقوء الله خافوء ربكم احنا منكم وفيكم ومن اهلكم محنا اجاانب الاجنبي جاء بلادنا واول مايجي يحطونه في وضيفه مرموقه له ليش لانهم مايبون التحكم يبون اوحد يتامرون عليه هذا منطق عملنا نادوي واجبنا بش حرااام والله والله حررام حسسسسسسبي الله ونعم الوكيل انا ادعي من الله ان ابو متعب يفعل الخير لنا والله يوفقنا ويوفق شبابنا وبناتنا

دحوووووووووووم
Friday 29 April 2011, 9:08 pm
أصبرو إنا الله مع الصابرين وما أقول الى حسبي الله ونعم الوكيل على الواسطات

سليمان
Friday 29 April 2011, 10:19 am
يرحم ابوكم وين تحصلون الي فيه الشروط هذي وربي شروطكم تعجيز قولو مافيه وظائف اصرف من شروطكم التعجيزيه هذي لاكن الله الي يرزق

محمد الشمري
Friday 29 April 2011, 4:43 am
الله يااااارب يارحمان نسئلك العافيه ولا نريد وظيفة ولا قهر ولا اكتئاب نفسي ولا شروط تعجيزية اللهم اكسف كل ظالم بالارض اللهم امين وشكرا

ابو علي
Thursday 28 April 2011, 11:43 pm
الله يوفق الجميع لكل مايحب ويرضى اكثرو الاستغفار والدعاء بالاسحار فان فيه الشي العضيم ولاتنسوا الصبر فانه مفتاح الفرج ولاتنسونا من صالح دعاكم

عاطل
Thursday 28 April 2011, 1:45 pm
اصبروا والصبر مفتاح كل ظيقة ( ماتضيق الا وتنفرج)

ولد جازان
Thursday 28 April 2011, 1:02 pm
يا رجال ما لكم الا العسكرية

مهندس طيران عاطل
Thursday 28 April 2011, 6:34 am
هي بس شروط تكسر الظهر حتى لو عديت منها ردد يالـــــــــــــــــيل مطولك الخطوط ام الوسطات صار لنا 3 سنوات متخرج من خارج السعوديه وقعد اطلع في شهادة هههههههه الحمد لله ع كل حال

سلوى
Wednesday 27 April 2011, 11:10 pm
غيرت نفسي من رجل الى مراة يمكن اتوضف طيب وش رايكم نسوي اكلة جديدة ولا قناة زي فتافيت . طيثب انا لو عرفتلها من بدري وصرت لاعب كان احلى عروض واحلى راتب ولا غنيت وصرت احسن من ماجد المهندس وبعدين اتوب صح فكروا في الموضوع

خالد
Wednesday 27 April 2011, 9:28 pm
اصبروا ياشباب والله الي فد كتبه رب العالمين بيجي خلوا ايمانكم بالله قوي

احمد الزوين
Wednesday 27 April 2011, 1:49 pm
انا بعرف شي واحد بســـ .. يعني العماله من جنسيه بنقلادش والهند وغيرهم هل تتوافق عليهم نفس الشروط ..؟؟؟؟

عاطل
Wednesday 27 April 2011, 11:22 am
ياجماعة الخير خريج ثانوي من سنة 1425 هـ إلى الان ماتوضفت صدقوني لو اني ماسعيت كان ماتكلمت لكن الله يعلم ان السيرة الذاتيه وصلت لمعظم المجالات والحين اذا تروح يقولك على النت مانستقبل الملف مباشرة و صار الموضوع متأزم اكثر . عمري وصل 30 سنه اقولكم عمري وانا خجلان من نفسي ولو ان مالي ولا لكم ذنب بواقعنا المر .. كفايه تعبنا والله تعبنا ملينا من انفسنا حتى حرام عليكم . يشهد الله نتعوذ من ابليس الف مره عشان مانسوي مشاكل في البلد نبي نعيش نستقر نستر على انفسنا . لو تطق باب الناس بالحلال اول مايسالون وين يشتغل من حقهم كل اب يبي يأمن بنته قبل تغمض عينه لكن ما باليد حيله .. حسبي الله ونعم والوكيل ..

الطير الحزين
Wednesday 27 April 2011, 9:56 am
والله قهر يااخوان انا موظف في شركة و راتبي 2500 ريال و حاب اتزوج عمري الان 31 سنه حاب اتزوج من سوريه مقيمه مع اهلها في السعودية اكثر من 24 سنه وأبوها اكثر من 35 سنه كل ما اقدم على طلب زوج المعامله تنحفظ طيب ويش السبب يقولون لازم يكون عمرك فوق 35 سنه او انك متزوج و مطلق او انك مريض بالله هذه اعذار المشكله مين تقبل فيا من السعودية و راتبي ضعيف و تسكن في شقة غرفتين و صالة

مسكين والله
Wednesday 27 April 2011, 5:14 am
طيب يا خطوط السعوديه انا متخرج من الاردن دبلوم صيانه طائرات ليش ماتاخدونا حنا اهل الشهادات الهندسيه حنا علا الاقل شفنا طائرات واشتقلنا على الطائرات لين متى والله حرام حرام حرام وين ارووح ابي احد يرد من موظفين الخطووط

عاطل باغنى دوله بالعالم
Tuesday 26 April 2011, 10:51 pm
يارجال انا حاس نفسي غريب بوطني الواحد يدرس ويدرس ومن زين الدراسه اللي عندنا ويتخرج من الجامعه وعمره23 ويوصل ال30 وهو ماتوظف واذا توظف بالافين ريال مرات احس اني عايش بافريقيا مو بالسعوديه على العموم اهاجر اشرف لي واخذ الجنسيه وارجع السعوديه وعلى طول اتوظف

لا حول ولا قوة إلى بالله
Tuesday 26 April 2011, 7:26 pm
أنقل أحر التعازي لنفسي ولأخواني على الإعجاز الحاصل في شروط القبول للوظائف .. لكن لازم ياشبااب نحط أملنا بالله (( وماتوفيقي إلى بالله عليه توكلت وهو رب العرش العظيم )) وفي الختام .. اللهم لاتجعل الدنيا أكبر همنا ولا مبلغ علمنا وأرزقنا من رزقك رزق حسن يجعلنا نزيد حبا بك وتزيد معه الأعمال الحسنة ياااااااااااااااااااااااااااااارب قولو أمين ..

روميو
Tuesday 26 April 2011, 4:50 pm
ياخي الله يخلي ابو مـــــتعب حبيب الشعب بس والله راااح عمري وانا اطرد ا الوطائف ..يخي حرام عليكم وصلت اعمارنا التلاتين وما توطفنا ...ولاجنبي من يوم ما يجي السعودية كرسي ومكتب يا خي وين شباب الوطن ....حطمتوو شبابنا يلي ما تخاافون الله كول شي السعودي ما يشتغل السعودي موحق شغل اعطيه راتب وشف يشتغل ولي لا...... وامانت الله يشتغل احسن من لاجنبي وعندوو اخلاص احسن من لاجنبي وسلامتكم واتمنا ان يراعوو موارنا اهل الخير

خالد
Tuesday 26 April 2011, 2:33 pm
يعني هذي حاله والله العظيم قهر الى متى وحنا جالسين شهاده واخذنا شهاااده وبعدين يعني ((ننقعها ونشرب ماها)) والله اعجبني مقال الدكتور محمد الغامدي عن ارامكو نفس الكلام ينطبق على هالوظايف دااام فيها دراسه خلاص نتعلم مااحد يطلع من بطن امه ومعه شهاده ياالله نسألك من رزقك ياكريم

احمد الغامدي
Tuesday 26 April 2011, 1:50 pm
مااقول الا الحمد لله على العافيه والله لوانانا مو محتاجين الؤظايف هذي لكانو يجونا الين حدناء لكن المحتاج يفعل المستحيل وانا اوصيكم واوصي نفسي بقول بدعاء الدعاء الدعاء اللهم ارزقني وارزق كل من يقراء رسالتي في الدنياء بم يريد وفي الاخره خير العمل...... امين يارب العالمين.

مسلم الحرز
Tuesday 26 April 2011, 1:10 pm
أنا عندي ثانويه صناعيه وقسم كهرباء ونسبتي 98.80 بس اياه قلبي المشكله ماختبرت اختبار القدرات حتي لو اختبرت ماني جايب 70 .

نبي نفهم
Tuesday 26 April 2011, 12:29 pm
طيب ابي افهم الحين انتم طالبين طلبات تعجيزيه وشروط تعتبر بالنسبه لبعض الناس صعبه وش معنا تحددون سن مووحدد نقعد نشيل همه دامها هي وضيفه وش تفرق اذا كاان عمر المتقدم غير دامه باقي شباب ويقدر يقوم بنفسه يا ناس شي عجيب وربي شي عجيب طيب دامها في شروط من وين يجيبها واحد توه عمره ما تجاوز 26 سنه كيف ذي كيف يعني من يوم كاان صغير وهو شغال مثلا راجعو نفوسكووم وشوفو الشرروط والاحكام الي تنطبق ع ناس تستاهل الوضايف ذي وسلامتكم

نواف
Tuesday 26 April 2011, 11:52 am
الله يوفق الجميع

h3
Tuesday 26 April 2011, 10:50 am
ع ـــآطل ـآصبح مجنون ههههههههههههههههه حلووهـ عآنس وظيفي وربي انك مريض بس معك حق والله ياخي ـآبو التعقيد حقهم يقهرون

علي مفلح سعيد
Tuesday 26 April 2011, 9:51 am
الله يجيب خير

عاطل على باب الله
Tuesday 26 April 2011, 9:49 am
الله يجيب خير ما بيفكونا من الانجليزي و انا ما عندي غير الثانويه الله يعين عالعموم بالتوفيق للجميع

باسم عبدالسلام لبان
Tuesday 26 April 2011, 9:31 am
شباب وبنات انا طفش وقررت افتح بسطه عند الحرم وابيع سبح وتمر وبرضو كله باجرو

تركي
Tuesday 26 April 2011, 8:59 am
والله شغلة كل ماجيت ادور وظيفة لقيت الطلبات مرررررة بعيدة عني اللهم ياحي ياقيوم ارزقنا من فضلك انك على كل شي قدير . قولوا امين

راعي طويلة
Tuesday 26 April 2011, 7:47 am
ما ادري ليش الخطوط ما تعرف نسبة اقل من 70%

الله يجيب الخير
Tuesday 26 April 2011, 3:07 am
الله يوفق الجميع ، يارب يارب يارب يارب ارزقني بوظيفة مدنيه او عسكريه

mnnn
Tuesday 26 April 2011, 2:23 am
لا يزيد اجل .. واختبار قياس .. مصبعين الامور علينا حسبي الله ونعم الوكيل حسبي لله ونعم الوكيل

عبدالعزيز
Tuesday 26 April 2011, 2:22 am
طيب انا خريج كلية التقنية تخصص تسويق ونسبتي 4.38من 5 وعمري 26 بس مالي بالاكترونيات طيب ما ينفع تحطوني بأي مكان عندكم :)تحياتي

3ATIL
Tuesday 26 April 2011, 2:05 am
أخوي مواليد 1406 انت قدم و الله يكتب اللي في الخير و نتوظف جميعاً

صالح الدوسري
Tuesday 26 April 2011, 1:53 am
هذاي السعودية وين يبون الناس ينجحون ويتوضفون انا اجزم ومتأكد ورب البيت لو ان العالم تتوظف ان يبدعون بس ماحولك احد يحطون اختبارات واهم قابلين وخالصين اهل الوسايط الكلام صحيح 100% الواسطه شغال والاختبار لتمويه فقط يعني نسبة الي بيدخلون من الاختبار 2% والباقين وسائط انا عندي شهادات وعندي خبره لاكن مو شهاده لاوربي خدمه عمليه عندي استعداد كامل انسخ عربي وانجلينزي عشر صفحات بربع ساعه بس وعندي حمايه كامله لو يحطوني عندهم اقدر اسكر جميع ثغرات وكل مايتطلبه الحمايه من حمايه لاكن المشكله يبون ويبون وحنا لنا لله صدقوني والله مانروح ديره على هالدبره كب الناس بس وانا لولا الله ثم الشايب ولاكان تراي بقطر اول مربوط اساسي 7 الالف مع ابدالات 11 الف تخيلوَ وجتني وقبلوني من غير اختبار المقابله + الفحص فقط لاكن عندي الشايب اشيله واحطه وانا اكبر عياله وصاير عليه حادث وكل اسبوعين ولاثلاثه اروح الرياض لجل اوديه للعلاج الطبيعي والمساج لرجوله الله المستعان بس

الزهراني
Tuesday 26 April 2011, 1:13 am
و الله لو اننا مقدمين على رئاسه دوله يالخطوط السعوديه !! للأسف ثفاقة تكافؤ الفرص ما بتوصل عندنا الا عآم 3010 م !! ما اقوول الا الله يوفقنا و اياكم يا عآطلين ويرزقنا من فضله ...

عاطل اصبح مجنون
Tuesday 26 April 2011, 12:53 am
من ضمن الشروط ان الا يزيد العمر 26 سنه . طيب انا عمري 28 سنه يعني صرت عانس وظيفي ؟؟؟؟ ورب الكعبه ان العانس عايشه احسن مني .

حنان الزهراني
Tuesday 26 April 2011, 12:23 am
اتمنا لكل شبابنا التوفيق ياااااارب

عدنان
Tuesday 26 April 2011, 12:08 am
والله صرنا كنا داخلين دورة حواري لازم مواليد ؟ انزين اللي يبي يزور في الميلاد مافي احتجاج من منظم الدورة هع هع هع ؟؟!!

Ahmed
Monday 25 April 2011, 11:59 pm
ان لايزيد ان لاينقص ان يكون ان وان وان الله يعن على هالشروط

خريج ثانويه
Monday 25 April 2011, 7:28 pm
الله يوفق الجميع

عبدالله العسكري
Monday 25 April 2011, 6:55 pm
هاذي مشكلتنا في السعوديه نسبتك 90 وفوق تدخل الي تبيه لاكن شوفو بريطانيا معدلك مهما يكون تدخل الي تبيه وشوفو كيف وصلو للتطور وحنا بالمستوى الثالث بعيد عن التطور .. اتمنا للجميع التوفيق ... ولكم تحياتي .!

....T_T
Monday 25 April 2011, 6:08 pm
طيب لية ماافي تاااريخ 1406 وش تفرق .....معاااي موهلات الي طالبينهاا وزياادة بس الميلاد حقي مو موجوود لاحول ولا قوة الا بالله

زياد احمد فرج
Monday 25 April 2011, 5:46 pm
الله يوفق الجميع لما يحبه ويرضاه مشكورين يا الاداره على هالاخبار محبكم زياد

عبدالهادي
Monday 25 April 2011, 5:34 pm
يا اخوان والى يرحم والديكم اقبلونا حنا الثانويه والله مساكين شروطكم تكسر الظهر الله يعينى على شبابنا شباب الفلس ما اقول الا الله يزينها
أضافة تعليق
الإسم : *
البريد الالكتروني : *
تأكيد البريد الالكتروني : *
التعليق : *
الرمز الأمني : *