تفاصيل الإعلان
التقديم مغلق التقديم مغلق
الوظائف الحكومية الحالية | الأرشيف | بحث الوظائف الحكومية

إدارة القوات المسلحة بوزارة الدفاع تعلن 9 وظائف على بند الأجور

المصدر: وكالة الأنباء | تاريخ الإضافة: 13/01/2016
 
تعلن القوات المسلحة بوزارة الدفاع (الإدارة العامة للشؤون الإدارية والمالية) عن توفر عدد من الوظائف الشاغرة على بند الأجور فئة (أ) بالمسميات التالية:

- عمال طبخ (عدد 3)
- عمال طهاة (عدد 3)
- عمال سفرجية (عدد 3)

الشروط:

- أن يكون المتقدم سعودي الجنسية.
- أن يكون حاصلاً على شهادة دراسية لا تقل عن الخامس إبتدائي.
- القدرة على القيام بالعمل.
- أن يكون حاصلاً على شهادة تدريبية في مجال حرفته لا تقل مدتها عن ستة أشهر.

الوثائق المطلوبة عند التقديم:

- صورة من الهوية الوطنية مع الأصل للمطابقة.
- صورة من المؤهل العلمي مع الأصل للمطابقة.
- صورة من الشهادات التدريبية (إن وجدت) مع الأصل للمطابقة.

طريقة التقديم:

يبدأ التقديم من الأحد بعد القادم الموافق 1437/4/14هـ ولمدة (5 أيام) من الساعة (7:30 صباحا) حتى (11 صباحا) بمقر إدارة الشؤون الإدارية للقوات المسلحة (مبنى الثقافة والتعليم سابقاً بوزارة الدفاع).
 
تفاصيل أكثر: http://www.was.sa/1444990
 
زيارات: 48303

للحصول على تبليغ يومي بالوظائف الحكومية ووظائف الشركة الكبرى في المملكة على جوالك ارسل رقم 1 إلى رمز الخدمة:
لمشتركي الجوال 805285 ، لمشتركي موبايلي 601989 ، مشتركي زين 701565
التعليقات (46)
  • مشاركة:
  • twitter
  • facebook
  • whatsapp
  • google plus


موظف وزارة الدفاع
Thursday 11 February 2016, 2:57 pm
الشباب الموظفين مراجعة الأدارة لخطاب تعديل المهنه .

موظف وزارة الدفاع
Thursday 4 February 2016, 10:53 am
تم مباشرة الشباب ، بالتوفيق للجميع .

موظف وزارة الدفاع
Tuesday 2 February 2016, 11:14 am
تم عمل كشف طبي للمتقدمين ، بالتوفيق للجميع .

موظف وزارة الدفاع
Sunday 31 January 2016, 2:35 pm
تم اختيار الأسماء والأتصال عليهم بالتوفيق .

موظف وزارة الدفاع
Thursday 28 January 2016, 11:39 am
اليوم بعد الساعه 11 بدأ فرز الملفات ، بالتوفيق للجميع .

الشيف إبراهيم عسيري
Wednesday 27 January 2016, 8:22 pm
الراتب قليل ولا على قد شغل

محمد الغبيوي
Wednesday 27 January 2016, 12:46 pm
التقديم للواسطات فقط ، لاتتعبون انفسكم .

موظف وزارة الدفاع
Tuesday 26 January 2016, 1:09 pm
بالنسبة للشباب اللي قدموا ، بعد اسبوعين من الأن فيه اختبار تحريري ، واللي يجتاز الأختبار التحريري بيكون فيه اختبار عملي بعد ألأختبار التحريري باسبوع ، واللي يجتاز الأختبارين يحددون له مقابله شخصيه ، واللي يجتاز المقابله ، يتم تعيينه طاهي على بند الأجور في قاعدة حفر الباطن العسكرية ، براتب وقدره 3230 تقريبا .

شاكر باحمدين
Tuesday 26 January 2016, 1:02 pm
التعيين ياشباب بحفر الباطن ، والوظائف على بند أ الراتب تقريبا 3100 ريال .

ابو ليلى
Tuesday 26 January 2016, 12:17 pm
الرزق على الله

ياسر الزهراني
Tuesday 26 January 2016, 11:48 am
انا قدمت يوم الأحد ورحت عندهم ، وسالتهم اللي ماعنده شهادة طبخ تراه بيتعب نفسه لان اللجنه ترمي ملف اللي ماعنده دوره طبخ ، الله يرزقنا وياكم .

موظف وزارة الدفاع
Tuesday 26 January 2016, 11:43 am
ايه نعم الرواتب 3200 ريال ، وعلى فكره تراهم مكتفين ، لانه كذا واحد جاء ورفضوا لان العدد اللي جاء في اول يومين تعدوا ال 500 متقدم واكتفوا لان مافيه استمارات والشواغر 9 فقط، وفقك الله بغيرها ابو عبد الله .

ابو عبدالله
Tuesday 26 January 2016, 6:59 am
سؤال ياوجيه الخير . وش الفرق بين عمال طهاة و عمال طبخ وهل فعلا الرواتب حول ال 3

موظف وزارة الدفاع
Monday 25 January 2016, 11:51 am
يااخوان تم الأكتفاء في التقديم لوصول عدد المتقدمين فوق 500 متقدم ، بالتوفيق لكم جميعا .

اسماعيل مباركي
Sunday 24 January 2016, 10:42 pm
السلام عليكم ورحمة الله وبركاته عندي خبرة في الطبخ وشهادات من سنغفورة جنوب افريقيا و من الكويت ولغة وخبرة لا تقل عن عشر سنوات خبرة واخرها قصر مكه رافلز برج الساعة في مكه السؤال هل وضعي يحتاج واسطة على التقديم على هذي الوظائف؟؟

مواطن من ذوي الاحتياجات الخاصه
Friday 22 January 2016, 1:41 am
الي من ذوي الاحتياجات الخاصه كيف يتوظف وماعنده واسطه ولا تقبله عسكريه ومتزوج والى الان ماعندي وظيفه كيف اعيش واعيش طفلي الي ماله ذنب بظروفي كيف اعيش

شاكر البقمي
Thursday 21 January 2016, 2:27 pm
والله شي يضحك الوظائف 9 وعدد المتقدمين فوق 30 الف ، انا موظف حكومي بالبلديه قبل 11 سنه كان كل وظيفه يتنافس عليها 10 هالحين بعشرات الأف ، نصيحه تعسكروا واتركوا عنكم المدنيه لانها صعبه وللواسطات .

الله يطول بعمرك ياملكنا
Thursday 21 January 2016, 2:20 pm
اللي يبي الوظائف يسجل بسلاح المشاه ويدافع عن دينه ووطنه ومليكه ، اما هذه الوظائف اللي على البند تحتاج خبره ودورة طبخ خلوها للشيبان .

ثامر المطيري
Wednesday 20 January 2016, 1:56 pm
العام الفائت حصل تقديم بنفس الشروط ، واكتشفت ان مافيه معهد بالسعوديه يعطي دورات للطبخ الا المعاهد العسكرية ، والمعاهد العسكرية تخرج افراد طهي وسفرجيه جندود اول او جندي براتب 7 الى 8 الاف ريال ، يعني مستحيل يقدم عليها حتى لو عسكري مفصول ، لان حتى اللي انفصل صعب يرضى براتب 3 الاف ريال ، يقدم قي الخطوط الجويه بالتموين يستلم نفس راتبه العسكري ورسمي بعد .

كرار الهلابي
Wednesday 20 January 2016, 1:29 pm
فيه تقديم بهرفي طالبين سايقين توصيل الراتب 5300 ريال ، والشروط بس كفاءه ورخصه + التقديم عند مخرج 5 ، بلا طباخ بلا هم .

جمعان القوزي
Wednesday 20 January 2016, 1:25 pm
رحيمي هناك شغال في الأداره ، يقول لاتتعب نفسك ترى الوظائف محجوزه من قبل مايعلنوا التقديم ، كل واحد حط قريبه وولد عمه ، كل شي بواسطه في هالبلد .

غائب الغبيوي
Tuesday 19 January 2016, 9:47 pm
كلها 9 وظائف ، متستاهل تعلنون عنها ، الواسطات تكفي هالتقديم .

مشعل الخليوي
Tuesday 19 January 2016, 5:53 pm
العسكري تخصص طاهي رتبة جندي يستلم 7000 الاف ، وانا نفس التخصص بس مدني واستلم 3300 ، فقر واهانه على الفاضي ، ماكدونالز يستلمون 5500 ريال .

مشعل الخليوي
Tuesday 19 January 2016, 4:21 pm
ياشباب انا موظف فيها ، نصيحه ترى كلها طبخ في طبخ ، تدوام من 7 الى 2 وانت بالمطبخ ، غير كذا احيان يستدعونك جمعه وسبت ، نصيحه اللي من برى الرياض لايتعب نفسه ، راتب ضعيف ومايستاهل غربه ، واحلم في الترسيم .

موظف وزارة الدفاع
Tuesday 19 January 2016, 9:09 am
ياشباب ترى الوظائف ملزمين بالطبخ في ميزات ومطاعم القوات المسلحه ، والوظائف كلها في حفر الباطن ، والراتب 3230 ريال ينزل بالصرافه ، وترى دورة الطبخ لاتقل عن 6 شهور لو تنقص يوم مايقبلونك ، والخبره ياشباب احب انبه عليها لانها ماانذكرت لابد من خبره 3 سنوات بنفس المسمى ولايقبل اقل من ذلك ، وترى فيه تعهد بعدم تغيير مسمى الوظيفه والألتزام بالتخصص،اللي عند الشروط حياه الله يقدم .

ملفي طلق مسعد القسامي
Monday 18 January 2016, 11:12 pm
الوظائف محجوزه ، لاتتعبون انفسكم .

خالد التويجري
Monday 18 January 2016, 8:47 pm
طباخ وبند اجور راتب 3050 ريال ، اللي عنده دورة طبخ 6 اشهر + خبره 3 سنوات يروح فندق ويستلم اقل شي 12 الف ريال من غير البدلات ، احسن من هالراتب الضعيف .

تركي جهز الغامدي
Monday 18 January 2016, 7:10 pm
الشروط صعبه جدا ، واخرتها التعيين بحفر الباطن ، لا وبعد الرتب 3100 ريال ، شحاذين ويتشرطون .

حجاب الغنامي
Monday 18 January 2016, 7:01 pm
ياشباب انا مريتهم اليوم يقولون التقديم الأسبوع القادم ، وطالبين شهادة طباخ لاتقل مدتها عن 6 شهور + 3 سنوات خبره كطاهي ، وتراهم مشددين جدا في الشروط .

تركي بامعلم
Sunday 17 January 2016, 3:22 pm
هذي الوظائف مخصصة للعسكريين الفاصلين من وظائهم تخصص طهي وقهوجي.

سالم الغريب
Sunday 17 January 2016, 3:20 pm
الوظائف يبي لها شهادة تدريبيه في الطبخ ، مو اي واحد يتعب نفسه ويروح ويدرعم ومايعرف الشروط .

نايف العتيبي
Sunday 17 January 2016, 3:16 pm
التعيين في حفر الباطن .

رئــــــس
Saturday 16 January 2016, 10:54 pm
نصيحه لكم فتح مشروع لك صغير وربي يغنيك من واسع رزقهه معكم اخوكم متخرج كلية حاسب الالي عاطلللل ...

عبدالرحمن السفياني
Saturday 16 January 2016, 9:37 pm
التعيين وين بيكون

ياسر العتيبي
Saturday 16 January 2016, 2:12 am
المصيبه مو هنا منين نجيب دورة في الطبخ ، واللي معه هالدوره هل هو بينقبل والا يزحلق عشان مامعه واسطه .

عمر القرني
Friday 15 January 2016, 11:43 pm
الله يرزقنا بغيرها

محمد عيسى فهد الدوسري
Friday 15 January 2016, 6:50 pm
الله كريم

بدر
Friday 15 January 2016, 6:28 pm
ولله يااخون هذي مسخره يعني تكمل ثانوي وتروح تطبخ وتقدم عامل طهي مو مشكله بطبخ بس لاذي درجه لا ويمكن ميقبلوك حسبي يالله عليهم بس الوضيف الزينه للوسطات بس

مواطن سعودي℅
Friday 15 January 2016, 4:17 pm
لا وحاطين شروط بعد ويبون شهادة في نفس التخصص صدق لاقالوا تعيش وتشوف العجب.

لا للكسل ...
Friday 15 January 2016, 3:11 am
الله يوفق المتقدم على هاذي الوظيفة الرجال ما يعيبه الاجيبه فبادر يامتقدم واستخير لعلها خير لك وأفضل من منصب وزير توكل على الله الذي اذا توكلت عليه ينصرك ....

خالد الدوسري
Thursday 14 January 2016, 2:47 pm
الله لا يحدنا عليهم الله كريم دراسه وتعب وهاذي اخرتها

ناصر فالح مقبل السحيمي
Thursday 14 January 2016, 11:04 am
السلام عليكم ورحمة الله وبركاته : وبـــعـــــد /،،،،، آآآآآمل الموافقة على طلبي وقبولي للعمل تحت إدارتكــــــم . مع التحية والإحترام

لا تعليق
Thursday 14 January 2016, 9:56 am
لا تعليق صراحه

ياسر
Thursday 14 January 2016, 8:09 am
وين مقرهم باي مدينة

مشيعل الخثعمي
Thursday 14 January 2016, 2:44 am
الله ييسر الامور

الغامض المتربص
Wednesday 13 January 2016, 11:58 pm
غسيل المواعين على مين واذا اصرو على الغسيل هل فيه بدل صابون
أضافة تعليق
الإسم : *
البريد الالكتروني : *
تأكيد البريد الالكتروني : *
التعليق : *
الرمز الأمني : *