بدء التقديم لخريجي الكليات في شركة صدارة للكيميائيات

خالد

شباب بلله تقبل شرعي ولا نشيل عافشنا تكفون ابي الرد

احمد الخالدي

شباب تكفون الفزعه انا قدمت بصداره وكل شي تمام بس رسلوا لي رسالة بعد اتمام عملية البياات وعطوني رقم طلب بس المشكله رسلوا رساله ثانيه وقالوا يبوني اقدم ببرنامج التدريج التوظيفي وش سالفة تحوت بموقع صداره ولا حصلت من ضمن القائمة برنامج التدريج التوظيفي تكفون الفزعه ياشباب

مدري بس

والله ماعرفنالكم كل واحد يجيب هرج من عنده الي ماعنده خبر ينثبر

رايد احمد المالكي

شباااب خريججي الثانويه الان فتح التسجيل وشركة حلوة انا توني سجلت دعواتكم تكفون توني متخرجج

قبلوني فيها وتركتها عند التوقيع

شباب افركو منها حاطين شروط جزائيه صعبه انا معي دبلوم قالو لي ندرسك سنه وبعدها تتوظف بس بشركة عاديه لين تفتح شركة صدارة بسنة2016 والراتب 7000 فقط مع البدلات وبالجبيل ومافي نقل والمكافءه لدبلوم 6500 واذا جيبت تتركهم تدفع المكافاءت كلها واذا اخذت حرمان تدفع المكافاءت الي اخذتها واذا بتتركهم هم نفس الشي واذا توظفت عندهم لاول 5سنوات ماتطلع اذا بتطلع تدفع تكاليف الدراسه 128000 ريال

محمد أمين

وعليكم السلام يااخ بو حمدان بشرنا عنك علومك خخخخخخ تقديم مو لك للهوامير الكبار اللي متخرجين بكالوريس ودبلوم وأمهات معاهد وكليات بعدك بطريق يابو حمدان بس اتوقع ان قريب بيفتحوا تقديم لطالب ثانويه خليك متابع اول في اول بخصوص تقديم لطالب ثانويه لان قريب بيحطوا وبيكون لمدة اسبوع اي خدمه اخري ياابو حمدان وبالتوفيق لك

بوحمدان

سلام انا توني متخرج من ثانوي علوم طبيعه كيف اسجل

عمر العويمري

السسلام عليكم عندي كم سوال واتمنا اللي في الشركة يردون على الاسىله 1 هل بعد ماتخلص السنتين الدراسة يكتبون معك عقد 5 سنوات ولالا؟ 2 كيف نضام دوامها هل هي ضغط 12 ساعه ولالا؟

الزهراني

ي شباب الشركه والله حلوه متعاقده مع ارامكو وشركه امريكيه انا اختبرت فيها العام بس ماعديت في الاختبار والله حلوه الحين في واحد من اصحابي فيها راتبه وهو يدرس 5000 وبعد ماتكمل الدراسه على طول تتوظف في ارامكو في المصانع

ابو محمد

شباب كم المعدل الي يبونه

اخصائي عاطل سنتين

طفح الكيل ونتمنى التوفيق للجميع

Alwlhan

السلام عليكم ياشباب انا انصحكم انكم تقدمون على شركة صداره صراحة الشركة مميزاتها عاليه جدا بالنسبه لدبلوم وانا والحمدلله الحين اتدرب فيها ويعطون مكافات لدبلوم 6500 وغير المميزات الثانيه الشركة مستقبلها جدا ممتاز ومميزاتها افضل من الشركة المالكه ارامكوا السعوديه لانها شركة متاسسه مابين شركتين عالميتين ارامكوا السعوديه وشركة داو كيميكال ووضعوا فيها افضل المميزات من ارامكو وداو كيميكال واتمنى التوفيق للجميع

hassan

الكلام دا للخريجي الثانوي اما الكليات والله ما ادري

hassan

سبحان الله وبحمده سبحان الله العظيم,,,, يا شباب انا اعرف خويي فيها هيا شبه حلو الراتب 5 الاف فتره التدريب من دون سكن ولا شي انت تروح تعزب هناك,,, محل التدرب هيا 3 مدن او مدنتين خويي في (راس تنوره) دراستها متوسطه لا سهله ولا صعبه والله الموفق ودعواتكم

علي دوش

بس ليش الموقع عيا يفتح والا كلام بس علشان يقولو ا حنا نزلنا تسجيل وما أحد سجل . وذي لعبه

أحمد سيهاتي

شركة ممتازه جداً ولسه متعاقدين معاهم و المشروع توه مبتدي من قبل كم أسبوع و ألحين ياخذوا طلبات موظفين والمشروع مدته 21 سنه ومضمون و ممكن تلاحقوا الحياة السعيده بهاذي الشركة والله يوفقكم.

خالد بن فهد

لاهنتوا يالربع انا من ادخل الموقع واضغط على توظيف يطلع لي في الموقع (عفوا الموقع قيد التطوير) ابي حل الله يرضا لي عليكم ...

محمد فهد علي القريعان

انا دخلت ومكتوب الموقع قيد التطوير وقدمت عليهم لمدة شهر مافيه رد لكن الي اعرفه ان قبلو اخوي قبل وان شاء الله يقبلونكم ويقبلوني توكلو على الله

عاطل في زمن باطل

اولا احب اعلق علي كلام بعض الاخوان لم تجرب شعور الاحباط واليأس وتشوف غيرك يعاني هنا بتعرف مدي معاناة شعب اما انك تقدم وخلاص تيسرت احوالك وطنش تنعش فرق اتمني محد يفهمني غلط هو نظام بعض شركات كذا كاذب تروح لهم وتدق لهم مشوار ولايردون زي شركة الكهرباء كمان اذكر بعد ماسويت اختبار البروفيل اكست حتي ماردوا لي خبر طيب بالكثير اعلموني نتيجة مو اظل اعلق لمدة كم سنوات واحط امل وبالاخير اشتغل سكيورتي يعني مدري كيف تنظرون لتعليقي مع اني قلت الحق في اشياء بالجرايد مجرد اعلان وهمي مجرد جذب اهتمام وبالاخير مو انا اللي ماردوا علي في شباب بعد ماردوا عليهم بالكثير حسوا بمعانتهم مو تقولون شركة ناجحه مدري لها مستقبل كلنا ندري ان اغلب شركات سابك وارامكو وسكيكو لها مستقبل بس بغض نظر عن المستقبل عندك فلس تسوي فلس ماعندك فلس اجلس بيتك قشر بصل وفوق كل هذا اكيد اللي له الحق بدخول فيتامين واو ماهو ياليت يحطون نظام يعدل بين كل المتخرجين مو يقولون لكل مجتهد نصيب وين نصيب مااشوف الا الكذب ونصب والمشكله اللي تتيسر احوال يفكر ان غير متيسره له دعواتكم بس لاخوانكم العاطلين والله يوفقنا اجمعين وان شاء الله ان يغنينا عن هاالحياة الفانيه ويرزقنا بجنة الفردوس وسلام عليكم يااخوان

ناصر الناصر

يا اخوان كل ما فتحت الربط الموجود في الاعلان يقول موقع التوظيف تحت التطوير اذا في رابط للتقديم غير هذا الحقونا فيه بالله عليكم

خريج عاطل باطل زمن فاتن

هي وين بوه هالشركه مافيه فرع بالحفر يعني والاشلون واقرب فرع له وين هي بوه؟؟؟

عاطل410

اقووول ماعندكم سالفة تقولون وظايف وظايف ولا شفنا منكم شي وين راحوا حقين الحاسب الالي ولا تسمع عنهم خبر نصابين ماعندكم السالفة لكن مانقول غير حسبي الله ونعم الوكيل عليكم

روقان

شباب كل ماجيت افتح الرابط ابي اقدم .....يجيني موقع التوظيف قيد التطوير!!! يعني الحين بداء التقديم ولاوشلون؟؟ و

محمد

حبيت اسئل يا حلوين اشلون طريقة التدريب فيها وما هي نوعية الاسلة في المقابلة يع تعتمدعلى الانكلش وهل له فرع في الاحساء

للاسف مواطن سعودي

والله زمن غريب الاجنبي يتوظف في المملكة العربيه السعوديه والمواطن يروح يفحط احسله لاكن حسبي الله ونعم الوكيل على البطانه السيئه قسم بلله لو انا ماسك وزارة العمل لاخلي المواطن عايش في بلدة

محمد حسن حمامي

انقول به وظايف ولا ماغير هدرة

راعي ذود

نصصصصصصصصصصصصصصابين مثل مقاولين سابك تم قبولي اجريت مقابله شخصيه اخر شي لحد الحين ماردوا لي خبر حسبي الله ونعم الوكيل

مبارك الزعبي

عاطل في زمن باطل : وش فيك معصب ,,الإعلان اللي برمضان اللي طاف مو كذب , أنا سجلت بصدارة برمضان وقبلوني وبديت دراسة شهر 2 انجليزي اللي طاف وطلعت من الشركة بنهاية شهر 4 .الشركة مكافئتها بالدراسه قوية وحلوة ولها مستقبل , لكن ما أرتحت فيها والدراسه صعبه والمكان اللي أنا فيه مارتحت له ..فيه تقديم لخريجي الثانوية قريب , قدم وإن شاء الله يقبلونك..

سبحان لله الحمدلله

شركة صدارة شركة ناجحه باذن لله وانا من ناحيتي ان هذه الشركة توظف عدد كبير من السعوديين وهي قيد التطوير

علي بن فهد

بالتوفيق للجميع شركة قويه ولها مستقبل وما عليكم من المثبطين والمكذبين

طفشااااااااااان

والله الشركه انوع النصب قريت اعلان لهم ان التسجي مفتوح بتاريخ 9/6/2012 يوم السبت ويوم رحت للموقع لقيت حاطين الموقع تحت الصيان اجل ليه مسوين زحمه واعلان في الجرايد والله حرام اللي قاعد يصير

عزوز العسيري

بالتوفيق للجميع

الله الموفق

فعلن حتى انا قدمت ولا ردولي خبر لاقبول ولا رفض فعلن نصابين

محمد

لا ياشباب لاتصدقونه لايحبطكم انا سجلت في صداره والله شركه ممتازه هي تبع ارامكو ونفس سلم ارامكو الوضيفي خذو الكلام مني لان انا مسجل فيها وردو علي

عاطل في زمن باطل

نصابين السنة اللي راحت اذكر من شهر رمضان كان بداية تسجيل لشركة صداره لطالب ثانويه وقدمت ولاردوا حتي ماافدوني تم قبولي ولا لا والحين حاطين اعلان كاذب بس لجذب اهتمام الناس يانصابين ماهي اصلان شركة بطرانه وشبعانه انا مستحيل اصدقكم ياشركة الكاذبه لا وبعد حاطين قريب سوف تعلنون عن التقديم لطالب ثانويه مستقبلا هاه يصير خير يانصابين المهم التوفيق للجميع