18 وظيفة على بند الأجور والمستخدمين في بلدية السر

فيصل

ماهذا الغباء يا مسؤولين بلديه السر بالدوادمي الناس لعبه عندكم .. من وضع الاعلان يعتقد ان قرية السر مثل الرياض او جدة الكل يعرفها .. ما كلفتم انفسكم وصف المنطقة وتعبتم الشباب مسافرين للسر بالطائف واخرتها تطلع السر بالدوادمي ... بالتأكيد يا مسؤولي (((بلديه سر الدوادمي))) وأولهم أن الوظائف محجوزة لابنائكم والدليل انها على بند الاجور مع ان بند الاجور انتهى بس عشان يلحقون التثبيت ... اتمنى من الدولة محاسبه بلديه السر بالدوادمي ومتابعة عملية التوظيف وفضحهم على الملأ وان لا يمر هذا العبث مرور الكرام

عآآطل

السلام عليكم ورحمة الله مثل ماقالوا الاخوان الشغله كلهآ واسطات هذا ولد عمن وهذا ولد خال .. ياخي خافوا ربكم .. وبعدين بلدية السر ضيعتوا الناس حددو المكان .. بخريطه يابلديه .. قال ايش قال السر السر والا الصدر . استغفر الله العظيم

لا تستعجل

السلام عليكم >> جزاكم الله الف خير وانشاالله يوفقكم على هالاخبار والمعلومات عن بلدية السر وأن مقرها بالدوادمي والا بالطائف طريق الجنوب حددو 00 مع أني في الشرقية والمشوار بعيد علي جدا 00 بس عشان يستفيدون باقي الأخوان 00 بس أحين تخلنا في المتاهات بأن مسئولين بلدية الطائف كذبو خبر الأعلان نفسه 00 يبغا لهم الأمير نايف يتدخل في الموضوع وسيحسم الموضوع 00 لأنهم ناس يخافون ما يختشون 0الشكوى لله وبس 0

البازعي

السر بالدواااادمي لاحد يروح الطائف ....... انتبهو

عبدالله القحطاني

السلام عليكم اخواني اللي راحو الطائف .... للعلم انتم غلطانين البلديه المقصوده في الاعلان هي بلديه فيضة السر التابعه للدوادمي (( شرق الدوادمي وجنوب بلاد القصيم )) علما بان البلديه جديده ... الله يوفقكم

الحارثي

ياشباب اناء جيت البلدية وقالولي مافيه تقديم عندنا .... المكان -الطائف _طريق الجنوب_ بعد لية _بعدمحطت السواط 500متر -

خالد

يااخوان لااحد يتعب نفسه ويروح انا بنفسي رحت وقالولي هذه اشاعه راجع امانة الطائف وراجعتهم قالولي احنا الان نحقق حول هذه القضيه لان مااحد ارسل عن طريقنا وظائف واخوكم يشهدالله رحت لابن معمر اريد اوضحله ان هذا الشي يسبب تعب وخسائر للعاطلين وللاسف ماحصلته قالو يداوم يوم السبت وعلى فكره رئيس امانة الطائف مالقيته موجود جاوبني السكرتير وقالي المفروظ ماتصدقون اي خبر والله المستعان.

اذا ماطاعك الزمن طعه

اجججل ارووح السسر واخر ششي يتوظف ولد وولد خاله وولد جاارهـ :( ياااااارب تهديني على طااعتك اول ششي وتسسكني جنااتك .. والتوفيق بالدنيا والـآخرهـ

الحمدلله على كل حال

لاتصدقو الخبركذب انا رحت بنفسي على لبلديه ورحت امانة الطاايف يقولون ما عندنا خبر تخيلو والله ضارب مشوار من مكه حتى سياره ما عندي جيت بتكسي يعني فوق اني عاطل بعد يزيدوني قهر والله قهر لاكن حسبي الله ونعم الوكيل

احمد القحطاني

يا شباب وين بلديه السر

أبو عبدالرحمن

يـا عــبـدالـمـلـكـ الـحـــارثــــي : لا عدمتك يا ولـد العـم ؛ يعلم الله إني ما خليت مكان على طيلة التسع سنوات ، و كل ما أروح لمكان يقولون التقديم عن طريق موقعنا في النت ، و نقدم عن طريق النت ، و زي ما قال واحد من الأخوان : التقديم بإتصال هاتفي ، هذا ولد عم و هذا و لد خال ،،، يا رجــاااااااال حسبنا الله و نعم الوكيل بس .

الرزق علي الله

الاعلان مش للعاطلين الاعلان للمقبولين في الوظايف هاذي يعني الدوام 1/6 اقوووووول الرزق علي الله

متوهق من كثر الوظائف >> اي هين

يا شباب هذا اعلان توظيف والا طلب زيارة لبلدية السر

باحث عن عمل

اعلان ديكوور فقط لا غير بدوون تفااصيل يعني شووفو الاعلان فقط دوون تحديد المكان اوو ارسال السيرهـ الذاتيه اوو ............ الخ على فكرهـ الي فهمت من الاعلآن انه لاأحد يقدم محجووزهـ..

ربك كريم

اللهم ارزق العاطيلن يارب

علي عارضي

وش نسوي ياعيال احنا عاطلين بالرياض اروح والله ما ادلها كيف نسوي تسجيل بدون فاكس بدون رقم تلفون ثل الي يقولك عبي القربه ماء والقربه مقطوعه (قاعدين نلعب حنا)

ابومعتق

السلام عليكم ورحمة الله وبركاته للاسف الشديد اكثر الوسطات تحدث في البلديات ولو الناس سالمين من الواسطه كن الشعب بالف خير

احمد ابراهيم الحسن

لافي اميل ولا فاكس كيف تسجيل لازم نروح ميصير على الاتصال النت او فاكس نروح صعبه نرجع كذا بعدين

شارب هوى

أحر ما عندنا أبرد ما عندهم 00 بند أجور وتعال اللين الطائف لا وفي السر 00 يعني أقعد حل السر وأنت في الخط عشان تغدي في خبر كان مثل ما صاد المعلمات مساكين اللي راحو من كيس اهلهم 00 بيشوفون التجربة على العاطلين يمكن تنجح بالوفاه الإستشادية من أجل طلب الوظيفة ولو بسر 00 لو في أحد قريب لمدير شئون الموظفين بهسر كان التقديم بالاسلكي أو النت 00مهزله حدها00

ع ـبد الملك الح ـآرٍثي

السلام عليكم ورحمة الله وبركـآإإتة: تع ـليق ع ابو عبد الرحمن ": اولا: الله يرزقك ثـآنيا: بما انك حطمت القياس بـ الع ـطـآلة ~ انت امكن ماتروح تدور ع وظيفه تحسب الوظائف تجي لين حدك " انا متخرج من الكلية اخذت تقريبا سته اشهر وانا ماقدمت ماحصلت شي نهائيا بعد ماتحركت الحين كل شوي يطلبون مني مقابله شخصية ": والله يوفق الجميـــع

ابوخالد

الله لايوفق كل من وقف في طريق كل عاطل انا ولاوظيفة حكوميه ولا قطاع خاص

خااالد

السلام عليكم ورحمة الله وبركاته القرار بخصوص بند الاجور والمستخدمين كان بتثبيتهم ومستقبلا اعلان كل وظائف بند الاجور في الصحف المحليه وليس منعها او التوظيف من تحت لتحت مثل قبل حبيت افيدكم بهالمعلومه

اصبروا واحتسبو

كل واحد ياخذ رزقته بها الدنيا سواء كانت بعيدة اوقريبة بس قولوا الحمدلله واكثروا من الاستغفار

ابو فارس

والله تعبنا من العطاله ها1ي لوو الحكومة تتنازل شويا عن شروطهم كان حنا بخيرررر وسلامه يارب ياكريم انك ترزق كل عاطل بوظيفة هذي السنه

أبو عبدالرحمن

إللي يلاقي وظيفة لا يفرط فيها و لا يقول الراتب قليل أو كثير أقسم بالله العلي العظيم إني أتمنى لو إني ألاقي وظيفة و لو حتى على بند أجور ،،، عارفين ليش يا إخوان ، لأني حطمت الرقم القياسي في العطالة و هذي السنة التاسعة و أنا عاطل و داخل على السنة العاشرة . و الله من العام الدراسي (1422هـ _ 1423هـ) و أنا متخرج من الثانوية و زي ما يقولون النفسية تعبت مـن جـد ، بس ما أقول إلا الحمد لله على كل حـاااااال ، و يارب عوضني بكل ما حرمتني منه في الدنيا بنعيم دائم في الجنة يارب . اللهم إنا نعلم أن ما عندك هـو خيرٌ و أبقـى ، فلا تحرمناهـ بعـد حرمان الدنيا يا رزاق ...

الرحـــــــــــ ــــــال

السلام عليكم ياشباب بالله وين موقع بلدية السر

ابراهيم النهاري

(( نصيحه )) (( نصيحه )) أخواني أخواتي ............. أكثرووو من الاستغفااااار ... أكثروووو من الاستغفااااار ... وستجدون ما )) طـــلبتم (( أو أكثررر سبحانه أكرم الأكرمين ... ودمتم برعاية الله

ماجد

ياخيبه من جد 18 وظيفه بس؟؟؟؟ وربي قهر

حاميها

تهميش لاوامل الملك ... لا حول ولا قوة الا بالله

بوسيف بوالشباب

كل شي بالهون 00 أول الواحد يتوظف ويستلم راتب 00 بعدها بيطور نفسه وقدراته وعد وعهد 00 على حسابه الخاص كالتالي: 1 - دورات ثلاث لغات مختلفة ( إنجليزي ، فرنسي ، إلماني ) 0 2 - كل سنتين دورة متخصصة في الحاسب الآلي0 3 - إكمال الدراسة الجامعية إنتساب في أحدى الجامعات 0 يارب السنة أكون من المتوظفين وجميع أخواني العاطلين يارب ياكريم0

احد ضحايا العطاله

يآآآرجال خلها على ربك لو الاوامر تطبق كآآن مابقى عاطل لاكن دام كل اصحاب البنيه التحتيه والمسؤلين ضامنين مقاعدهم ومقاعد عيالهم بالوظيفه الي يبونها فلاتتوقع احد منهم بيشيل همي وهمك بهالايام ماحد بيحس فيك الا لا ذاق الي ذقته تحياتي لكل عاطل تحياتي لكل مأتمن لم يؤدي امانته على الوجه المطلوب تحياتي لكل واسطه ومتوسط تجرعنا مرارة العطاله واصبحنا خبراء بها وماعاد بظن به وظيفه بضمنها الا لاكانت تشترط خبرة بالعطاله قال ايييش قال خبره 5 سنين يابووووووي طييرووو لو صدز تبون توظفوننا صدز ماطلبتو هالشروط المعجزه ولاكن وهالمقاعد قد انحجزت لاهل الوسطات وماعاد عندهم الا وضع هذا الشروط عشان يبعدون الضعاف واصحاب الاحقيه عنها فلسفة عاطل...

شبعان قهر

التاس تطورت التقديم بالنت وبعضهم مايبغى يتطور 00 التقديم في نفس الإدارة يبون الزحمة يتباهون بها 00 طيب واللي مافي مخباه ألا عشره ريال شلون يمسك هالمشوار 00 ومش أكيد ينقبل 00الله كريم يرد لنا البخت زي أول يدورون الموظف دواره بس صورة هويه0

أبوتامر

وضيفه حلوه

السليماني

طيب متى يفتح التقديم ؟؟

السليماني

طيب متى يفتح التقديم ؟؟

احمد محمد علي الهلاتلي

حاسسسسسسسسسسسسسسبوا بلدية السر لان تاخبر جديد الله لايعطيهم عافية يارب

محسن البدراني

نعم كيف بند اجور ومستخدمين والملك امر بتثبيتهم ... ارجو من خادم الحرمين الشريفين محاسبه بلديه السر وفتح تحقيق معهم لان واضح ان الاعلان جديد .. وسلامتكم

على الله يا زمن

السلام عليكم ورحمة الله وبركاته اشكر هالموقع وانا من اشد المعجبين فين ومتابع له اكثر من سنتين من أول ماتخرجت والله يجيب لنا الرزق وبعد اقول مثل ما قالو الاخوان نبي وظائف للدبلوم ونبي نكمل دراستنا حنا خريجين المعاهد الاهلية التقينه وخريجين الكليات التقنية ماحد معطينا وجــه ابد من هالناحيـة وبعدين انا استغرب نظام المستخدمين وبند الاجور تم ايقافة؟؟ وكان الايقاف مرسوم ملكي من الملك الله يحفظه كيـف تتجراء هالقطاعات الحكوميه وتخالف النظام نروجو المحاسبة وترك التوظيف لوزارة الخدمه المدنيه لانه المستخدمين وبند الاجور مامنها فائده تحرم الموظف من حقوقه وتحرم المنتظرين على قائمة وزارة الخدمه المدنيه من الترشيح والله ولي التوفيق