تفاصيل الإعلان
التقديم مغلق التقديم مغلق
الوظائف الحكومية الحالية | الأرشيف | بحث الوظائف الحكومية

شركة أرامكو تعلن فتح التقديم في برنامج التدرج لخريجي الثانوية

المصدر: موقع الشركة - 23/05/2016
 
تعلن شركة أرامكو السعودية عن فتح باب القبول في برنامج التدرج لخريجي المرحلة الثانوية جميع الأقسام (APNE) يهدف البرنامج إلى توفير التدريب لخريجي الثانوية السعوديين وإعدادهم للالتحاق بوظائف مختلفة بحسب مستوياتهم الأكاديمية في أرامكو السعودية. ويوفر البرنامج للمشاركين التدريب على المهارات الأكاديمية والوظيفية اللازمة لضمان نجاحهم في وظائفهم المستقبلية وتعتمد الفترة الزمنية للبرنامج حسب المسار الوظيفي ولكن عادة ما تستغرق عامين، ويشمل البرنامج التدريب الأكاديمي اللغة الإنجليزية والرياضيات ومهارات الكمبيوتر والصحة والسلامة، ويعتمد التدريب بشكل عام على المهارات الوظيفية المطلوبة حسب المسار الوظيفي الذي يتبع له المتدرب.

مسارات البرنامج:

- موظف أعمال مكتبية
- مشغل آلات النفط والغاز
- فني صيانة أدوات
- رجل الإطفاء
- رجل الأمن الصناعي
- ميكانيكي حفر
- فني معادن
- لحام معادن
- فني صيانة تكييف الهواء
- فني كهرباء

شروط القبول:

- أن يكون المتقدم من خريجي الثانوية العامة (علوم طبيعية، علوم شرعية، تجارية وصناعية).
- أن يكون معدل الثانوية 75% فأعلى.
- أن تكون درجة اختبار القدرات 70 فأعلى (يقدمه المركز الوطني للقياس والتقويم في التعليم العالي).
- ألا يزيد عمر المتقدم عن 24 سنة هجرية.
- أن تكون سنة التخرج من الثانوية 1433-1434هـ، 1434-1435هـ، 1435-1436هـ، 1436-1437هـ.
- أن يرفق مع الطلب سجل المخالفات المرورية للسنتين الماضيتين والصادر من الادارة العامة للمرور.

المميزات أثناء البرنامج:

- راتب شهري.
- سكن مجاني مشترك للطلاب الذكور الذين تبعد منازلهم أكثر من 50 كم عن موقع التدريب المعين لهم.
- مواصلات مجانية على حافلات أرامكو السعودية.
- رعاية طبية مجانية، وفقاً لخطط الشركة.
- استخدام المرافق الترفيهية التابعة للشركة.
- استخدام خدمات الطيران التابعة للشركة داخل المملكة.
- إجازة شهر رمضان بالإضافة إلى أيام الإجازة السنوية الرسمية العامة والإجازات الخاصة بمركزالتدريب وفقاً للتقويم السنوي لإدارات التدريب.
- دروس تقوية لتوفير دعم إضافي عند الحاجة.

المميزات كموظف في الشركة:

- راتب شهري لكل شهر ميلادي بالإضافة لراتب إضافي خلال شهر رمضان.
- بدل سكن سنوي.
- إمكانية الحصول على راتب إضافي سنوي.
- إجازة سنوية مدتها 30 يوماً بالإضافة إلى العطل الرسمية حسب تقويم أيام العمل الخاص بالشركة.
- الرعاية الطبية لك ولزوجتك ولأطفالك ولوالديك.
- خيار المشاركة في خطة الادخار الخاصة بموظفي الشركة.
- خيار المشاركة في برنامج تملك البيوت الخاص بموظفي الشركة.
- استخدام المرافق الترفيهية التابعة للشركة.
- استخدام خدمات الطيران التابعة للشركة داخل المملكة.
- مواصلات مجانية على حافلات أرامكو السعودية.
- الاستفادة من التخفيضات المقدمة لموظفي الشركة داخل المملكة وحول العالم مثل الفنادق الكبرى وشركات الطيران الدولية وشركات تأجير السيارات.

طريقة التقديم:

يبدأ التقديم عند الساعة الثامنة صباحاً من يوم الإثنين 1437/9/8هـ (الموافق 13 يونيو 2016م) وينتهي عند الساعة الثالثة عصراً من يوم الخميس 1437/9/11هـ (الموافق 16 يونيو 2016م) من خلال تعبئة الطلبات على الرابط التالي: http://goo.gl/fOfC0E
 
تفاصيل أكثر: http://goo.gl/fOfC0E
 
زيارات: 73560

للحصول على تبليغ يومي بالوظائف الحكومية ووظائف الشركة الكبرى في المملكة على جوالك ارسل رقم 1 إلى رمز الخدمة:
لمشتركي الجوال 805285 ، لمشتركي موبايلي 601989 ، مشتركي زين 701565
التعليقات (98)


سالم
Thursday 8 December 2016, 7:16 am
إذا أحد عنده خلفية عن متى يفتح التسجيل مرة ثانية يفيدنا تكفوووون ،،.؟

خالد العتيبي
Thursday 18 August 2016, 7:52 pm
متى نتائج الفحص في ارامكو لي يعرف يفيدنا

أبو نايف
Wednesday 20 July 2016, 6:10 am
ياشباب أنا ماضفت برنت المخالفات عادي أو لا

انس
Saturday 16 July 2016, 6:42 pm
تلبس ثوب من يعرف متى تطلع نتائج الاخبار ياليت ???

محمد
Monday 11 July 2016, 12:13 pm
ياشباب الي اختبروا في ارامكوا ايش اللبس الي تلبسه وقت الاختبار

اليامي
Thursday 30 June 2016, 10:57 am
ي شباب كيف حالكم حد جاته رساله موعد الاختبار اليوم نهايه الاسبوعين الي قالو ولا جتني رساله هل باقي امل يرسلون ورجانا ف الله

ناصر
Friday 24 June 2016, 8:39 pm
ياشباب تكفون تكفون الي جاته رساله بعد التسجيل بمطابقه البيانات وراح وقالو له بيرسلون له رساله فيه احد مثلي ماجاتني رساله بموعد الاختبار تكفون قولو لي وش اسوات انا من حقين السنه الي طافت وقالو نتعذر والسنه ذي قدمت

دواس من الاحساء
Friday 24 June 2016, 3:05 pm
السلام عليكم ياشباب اناجتني رساله بموعد الاختبار في تاريخ 11 شوال العصر واتمنى التوفيق من رب العالمين ان شاء الله

عبدالله .
Thursday 23 June 2016, 7:20 am
متخرج ثانوي ، قالوا لي مثلك بس مريت عليهم الرسائل اخر رمضان .

متخرج ثانوي
Thursday 23 June 2016, 4:24 am
السلام عليكم .. شباب انا مقدم على ارامكو الاسبوع الي راح وارسلو لي وقت المقابله ورحت لهم طلبو مني الشهاده وبرنت القبول وصوره من البطاقه ... قالوا لي اسبوع وتجيكك رساله لموعد الاختبار .. ولحد اليوم ماجت.. اذا تعرفو احد جته رساله ردو لي

سالم
Saturday 18 June 2016, 11:01 am
شباب كم الرواتب بعد التخرج و كم سنه الدراسه ؟

جلمود
Wednesday 15 June 2016, 5:51 pm
ياعيال انا قدمت العام ورسبت في الاختبار و ابغى اقدم من جديد كيف الوضع وش اسوي ؟!!

gshh
Wednesday 15 June 2016, 2:16 am
يا اخوان التقديم عن طريق الابتوب ولا الجوال

طلال الشمري
Tuesday 14 June 2016, 9:58 pm
السسلام عليكم انا تو ارسلت الطلب متى بيجيني الرد؟

ابو كيان
Tuesday 14 June 2016, 5:39 pm
أخي المتقدم/ أختي المتقدمة لقد حصل خطأ أثناء التقديم الرجاء المحاولة مرة أخرى أو الاتصال بنا على الهاتف التالي 966-3-874-8000. البريد الالكتروني : saempsa_webmaster@aramco.com أو يرجى زيارة أقرب مكتب توظيف لأرامكو السعودية في منطقتك  ياجماعة الخير انا ادخل على الموقع ويطلع لي كذا وش السواه - فيه احد عنده معلومه وشلون طريقة التقديم - بالله من عنده معلومه يفيدنا وشكرا

عمر الفيفي
Tuesday 14 June 2016, 2:06 pm
ي شباب اانا سجلت امس الاثنين وعلى طول جاني موعد المقابله اللي هو اليوم الثلاثاء ف ما يمديني بهالوقت القصير اني اروح لهم بما اني في الجنوب فيفا ف سحبت عليهم وش رايكم ؟؟

أحمد
Tuesday 14 June 2016, 11:52 am
ياشباب انصحكم تكملون الدراسه للي مانقبل اقل شي يكون معك سلاحك شهادتك وبعدها قدم ع الوظايف وكل واحد يعني مكتوب رزقه ... الله يوفق الجميع 💜

الحربي
Tuesday 14 June 2016, 3:54 am
يا شباب ايش هو معرف الادارة الحكومية

الفيصل
Tuesday 14 June 2016, 1:55 am
يا ابراهيم عسيري لازم يكون عندك اسكنر عشان تدخل المخالفات ارفاق هي وشهادة الثانوية والهوية الوطنية واذا ما عندك رح لاقرب مكتبة ولا مقهى نت لازم يكون عنده اسكنر .........وبالتوفيق ان شاء الله

احمد
Tuesday 14 June 2016, 1:29 am
ي جماعة انا واجهتني مشكله مع المرفقات ارفقت الشهاده والاحوال وكل م جيت اضغط كومبليت يقولي بيانات التعليم عندك ناقصه مع انه مافيه ايقون educate

دواس
Tuesday 14 June 2016, 12:17 am
السلام عليكم انا اليوم كنت في مكتب التوظيف بالظهران استفسر عن حاجه وقالي الموظف نظام التقديم عطلان وتم ابلاغ it عندهم بس انا جيت البيت وسجلت

....
Monday 13 June 2016, 3:39 pm
فيه أحد واجهته مشكله أثناء التقديم؟؟

سعيد سعد الدوسري
Monday 13 June 2016, 12:45 pm
نسبتي 83 انا من ذول الحايجات الخاصه. اود ان اتوضف في ارامكو

ابراهيم العسيري
Sunday 12 June 2016, 5:54 am
ي جماعة الخير كيف ارفق سجل المخالفات مع الطلب اتمنى الرد

امير الشوق
Friday 10 June 2016, 5:30 pm
انا تخرجت عام 2014 1435 كان اكبر طموحي شركه ارامكو قدمت عليها واختبرت والاختبار عباره عن قرامر وريدنق وقطعه وعليها اسأله الزبده انها حول 120 سوال اختبرت 11 رمضان وطلعت النتائج رابع عيد نعتذر لعدم قبولك وشكرا لكم الله يوفق الجميع بس ترا الانجليزي يركزون عليه كثير في الاختبار لازم تجيب درجه كويسه وكمان الدراسه كلها انجليزي الله يوفقكم ورواتبهم حلوه تبدا من 11

حمود الشمري
Friday 10 June 2016, 1:40 am
الوقت هذا قلّة الوظايف انت امسكلك اقرب وضيفه فيها فلوس لو دوامها 15 ساعه وامسك فلوسك وتاجر فيها يبوي لا تدورون وظايف ترى بتشيبون وانتم مالقيتوا

فيصل
Wednesday 8 June 2016, 9:49 pm
ياخوان سجل المخالفات المروية من مين نجيبة وكيف نرفقه مع الطلب

طالب
Wednesday 8 June 2016, 3:49 am
الحين الي نسبته ب الثانوي 85 وقدراته 69 ينقبل ولا ?

اتجارب
Saturday 4 June 2016, 8:44 pm
ارامكو قتلت احلامي واحلام والدي ،،،، كنت طالب مجتهد فيالجامعه تخصص تربيه خاصه ،،،، ووقتها كنت مع الدفعه الثانيه لتلك الجامعه ،،، كنت مقدم على ارامكو قبل مادخل الجامعه وحطوني انتضار ،،،،، بعد سنه ونصف السنه اتصلو علي ،،،،، قالو يوم السبت تحضر عندك اختبار ،،،،، خلصت اختبار ،،،،، ودخلت ارامكو ،،،، ورسبت في اختبار الانجليزي انا ومعاي 10 طلاب عادوه لنا ثاني مره وبرضو رسبنا وكان بيني وبين النجاح 3 درجات فقط ،،،،،، طبعا هالكلام بعد ثلاث شهور من الدراسه بارامكو ،،،،،، خسرت الجامعه وخسرت ارامكو والحمد لله الحمد لله الحمد لله على كل حال ،،،،،،، حبيت انقل تجربتي ليستفيد غيري ويفكر الف مره قبل مايترك دراسته ،،،، اما الي توه متخرج يقبل وربنا ييسرها بوجهه

مشعععل
Friday 3 June 2016, 11:51 am
قدراتي 66 تتوقعون يقبلوني

سلطان
Wednesday 1 June 2016, 10:28 am
متى يفتح التسجيل بشركة الكهرب ارجو الرد

حبيب فهد حميد
Tuesday 31 May 2016, 4:23 am
قد ايش أحب فهد البلادي

عويس
Monday 30 May 2016, 2:43 am
نهاية الكلام والخزعبلات اللي انكتبت واللي راح تنكتب ( ادررررررسوووو ) وكملوا الدراسة الجامعية بتخصصات جبارة مثل القانون والتخصصات المرغوبة هالأيام وثانكس

اماني
Monday 30 May 2016, 1:12 am
طيب في وظايف بشهادة الجامعه التخصص لغة انجليزي ترجمه لنساء

اللهم صَل على محمد
Saturday 28 May 2016, 10:36 pm
بالنسبه للاخو فايز الشلاحي يدخل بكل مكان ويحدد كل شي الراتب ولقريد غلطان اخوي قريد 6 مايستلم 8 تحدد من راسك وبالنسبه للي عنده اي استفسار انا بخدمتكم

الغامدي
Saturday 28 May 2016, 6:50 pm
يشيخ في ناس ودهم بالوظائف بس القدرات هو اللي يعيق الشخص ع التوظيف انا بغيت ارامكو بس الشكله نسبتي ف القدرات جايب 66 حاولت ارفعها بس ماباليد حيله اتمنى يلغون او ينزلون من نسب اختبار القدرات 70 جدا مرتفعه وشكرا لكم

فايز الشلاحي
Saturday 28 May 2016, 6:56 am
نعم الدراسه انجليزي لاكن في تخصص منضم اعمال مكتبيه وتخصص امن صناغي هاذي با العربي منضم اعمال مكتبيه تتوضف علئ قريد 6 راتب 8 الف

عبدالله
Friday 27 May 2016, 6:58 pm
كيف دراستهم باللغة العربية ولا باللغة الانجليزية إذا كان باللغة الانجليزية مستحيل ادخل في البرنامج التدرج إذا كان باللغة العربية إن شاء الله ادخل في البرنامج التدرج

متخرج من الجامعه وشهادتي اهانتني
Friday 27 May 2016, 11:11 am
بالنسبه للشباب الي حابين يكملون دراستهم الجامعيه أنصحكم نصيحه لوجه الله أدخلوا تخصصات لها مستقبل وإذا مره مافي أمل أدخلوا تخصص شريعه أو كتاب وسنه أقلها العسكريه إذا فتحت رتب تلاقون نصيب منها بإذن الله وأنصحكم تبعدون عن تخصص اللغه ألعربيه والله إنه أفشل تخصص حتى العسكريه اذا فتحت رتب رقيب أو وكيل مايطلبون تخصص لغه عربيه والله ياأخوان اني ضعت بعد ماأتخرجت حتى مافي مستقبل في الشركات غير حارس أمن نصيحه الي تعرفونه يدرس لغه عربيه وصلو له كلامي والله إن معدلي جيد جداً وشهادتي مافادتني ... وفق الله الجميع لما يحب ويرضى...

خريج لغة عربية
Thursday 26 May 2016, 10:59 pm
واللي لغة عربية ويش يسوي

فايز الشلاحي
Thursday 26 May 2016, 5:41 am
هههههههههه ليس تشائم ولاكن اقولكم الواقع والحقيقه

ربي ارزقني
Thursday 26 May 2016, 1:20 am
فايز الشلاحي انسان متشائم ولا احد ياخذ كلامه

ربي ارزقني
Thursday 26 May 2016, 1:17 am
يا اخ احمد ياللي درجاتك عاليه ماشاء الله عليك نصيحة اخ عاطل ، ويكمل انتساب فوق ذلك لكن الحمدلله ع كل شي ،، نصيحححه لاتفوت تستجيل ارامكو ،، شركة اوامكو تناسب لك جدا لان ماشاء الله عليك رجال منتاز وارامكو ماتقبل الا المنتازين وفالك التوفيق ،، وادعو لي الله يجراكم خير ويوفقنا وياكم

فايز الشلاحي
Wednesday 25 May 2016, 6:56 pm
ياابراهيم ارامكو هاذي شروطها واحسن مافيها ان مافيها واسطه تدخل انت والانجليزي الي عندك فيه اختبار قبل لا تنقبل يختبرونك ازا انت نجحت في الاختبار يقبلونك ازا مانجحت يرسلون لك رقض طبعا الاختبار قرامر ريدنق قطعه وعليها اسئله وفيه اسئله عامه الاختبار 120 سوال تقريبا

ابراهيم
Wednesday 25 May 2016, 5:15 pm
ياجماعة انا خاطري في ارامكو بس النسبه ما تهيئ لها تكفون شوفوا لي حل

فهد القحطاني
Wednesday 25 May 2016, 11:42 am
ي شباب تخصص الكيمياء والفيزياء مرغوبة ف ارامكو ولا لا ؟ الخريج الجامعي كم يستلم ؟

عبدالمجيد عبدالهادي المالكي
Wednesday 25 May 2016, 8:11 am
انا خريج الكليه التقنيه تكيف وتبريد وعندي خبره 4 سنوات كيف لو اقدم يا الربع انصــــــــــــــــــــــحوني تكفون ولا اطلع لهم الشرقيه

جامعي متوهق
Wednesday 25 May 2016, 7:46 am
بالنسبة لي انصح الكل يدخله لان اولا لو قارنته بالجامعة فرق المكافاة وسنتين دراسة وبعدها تتوظف وراتبك كويس ومزاياها ممتازة غير الجامعة انا درست اربع سنوات ونص وتخرجت عطوك الشهادة وقالوا لك يلا رد حوس في الشوارع مثل الكلب دور لك وظيفة كرهت الجامعة الي يبي يكمل بالجامعة يدخل تخصص واثق منه انه مضمون يحصل له وظيفة او لا يخش نصيحة والا خش بشركات ممتازة برامج منتهية بالتوظيف الله وكيلكم اني ماشفت وظيفة اشتغلت عامل 😩😶 بيوم واحد اف في الاسبوع

فايز الشلاحي
Wednesday 25 May 2016, 5:29 am
خالد العتيبي نعم يحقلك التسجيل سسجل يا الحارثي لا التحصيلي اختبار اخر مثل القدرات ولاكن الشركه طالبه 70% فأعلئ مع الاسف

Thamer
Wednesday 25 May 2016, 3:46 am
البرنامج حلو للي ما يبي يكمل دراسته ويتغرب شوي 🙃

راعي الهدباء
Wednesday 25 May 2016, 1:23 am
لاهنتم ياشباب كيف ارفق سجل المخالفات المرورية للسنتين الماضيتين ولكم تحياتي

محمد الحارثي
Tuesday 24 May 2016, 11:27 pm
انا معدلي 92 والقدرات 65 والتحصيلي باقي هل اذا جبت درجه عاليه في التحصيلي يرتفع القدرات ام لا ؟! واذا اخلفت ف السستم اواجه صعوبات او طرد ؟!

خالد العتيبي
Tuesday 24 May 2016, 7:00 pm
السلام عليكم لي عند معلومة يفيدني انا قدمت العام الماضي على نظام CPC الابتعاث واختبرت بس ماخذوني هل يحق لي التقديم على نظام ITC السنه الحالية لي عندة معلومة يفيدني الله يجزيه خير

أماني
Tuesday 24 May 2016, 2:50 pm
بليز اللي يعرف كيف طريقة التوظيف في ارامكو يعلمني, معاي بكالوريس لغة انجليزية وخبرتي ثلاث سنين عمل.

عاظه السبيعي
Tuesday 24 May 2016, 2:18 pm
السلام عليكم ي شباب انا طالب وادرس ف ارامكوا هل تنصحوني ادرس اخذ شهادة حاسب او شهاده جامعه انتساب وهل بتفيدني الشهايد ذي يقولون المشرفين ما احنا مجبورين نقبلها اذا قدمتها علينا وشكرا

متخرج ثانوي
Tuesday 24 May 2016, 1:53 pm
ياجماعة الي عنده القياس 62 ودرجة المدرسة 95ينقبل

ابي وظيفه للبنات
Tuesday 24 May 2016, 1:48 pm
ابي وظيفه للنساء بالدمام تعبت وانا ادور

ابومشاري
Tuesday 24 May 2016, 1:31 pm
السلام عليكم جميعاً الاخوه الاعزاء انا احد خريجين هذا البرنامج من اكثر من 20 سنه واللهم لك الحمد والشكر برنامج ممتاز والشركه مجالات عملها كثير وفي جميع المناطق تقريباً. اللي يتعب على نفسه ويكون ملتزم بعمله ويتمه على اكمل وجه راح يرتاح وماعليكم من كلام الناس الكسالى اللي يتعبهم الانضباط في العمل خصوصاً في مجال عمل مثل ارامكو. تمنياتي للجميع بالتوفيق

فايز الشلاحي
Tuesday 24 May 2016, 12:29 pm
لاني عاطل سنتان لاخيار الا الشركات ولكن خريج ثانوي حديث امامه كل الفرص يستطييع يكمل دراسته ويستطيع يخش شركه ولاكن الدراسه افضل من كل النواحي والله ولي التوفيق

سلطان السديري
Tuesday 24 May 2016, 11:08 am
انا ابي اتوضف في ارامكو طبعا انا موظف ضعيف سمعي في الشركة اللي انا حاليا مايشغلوني انا ابغا مدخل البيانات انااتخرجت دبلوم المعهد صناعي القدرات العالي انا راح اخلص الشغل 30/12/1437 ارجوكم الرد

سلطان.
Tuesday 24 May 2016, 10:47 am
يافايز الشلاحي دامك ماتنصحهم يدخلون البرنامج ليه قدمت انت عليه؟؟؟

ابن مسعر
Tuesday 24 May 2016, 9:12 am
فايز السلاحي إذا على كلام الناس انك كل ما فتح التسجيل تقعد تنفس بالعالم لا أحد يسجل لا أحد يسجل طيب أنت يا الناصح دخلهم وظايف زينه اذا كل الوظايف ما تنصح أحد فيها !! يكون بعلمك الوظائف ما عاد تنلقى و العاطلين قد شعر راسك و كل سنه يتخرجون من الثانوية و الدبلوم و الجامعات طلاب بالآلاف ويصفون مع العاطلين و أهل الجامعات و الابتعاث أغلبهم متكين بالبيوتهم كأنهم بنات يكد عليهم شيبانهم صحيح أن أرامكو كرف لكن تعزك بعدين أنا موظف بأمن المنشآت و أداوم مع الأمن الصناعي أرامكو روابهم حلوه و لكن دوامهم ضغط يكفيك بعد 5 سنوات من الخدمه يعطونك بيت تقسطه و رواتب على الأوفر تايم أعرف واحد فني ما شاء الله عليه يحب الشغل تصدق شرا سيارة بقيمة 130 ألف من الأوفر تايم خلال سنه أو سنه و نص !! و للعلمك أنا قعدت 8 سنوات الين انقبلت بالعسكرية و الحمد لله اني انقبلت مع أني متغرب و الغربه نفسية و مشتاق للأهاي و الديرة لكن الحمد لله عزيت نفسي و ما عادني بحاجة أحد أكد على نفسي و على الأهل أما أول احس اني عاله على أهلي ما مني فايده ، إلي يبي رزقه يشوفه يلحق عمره من هالحين و اذا على كلامك مايوظفون الا على الثنوي و تنصح يتركون الوظايف عشان الشهادة أنا أقول توظفو و الله الشهادة ما تنفع إلي يبي شهادة يكمل انتساب أنا هالحين أدرس انتساب و الله ناس جامعيين كثير متكين في بيوتهم عاطلين و أو شركات رواتبهم ما تتعدا 5000 من غير الخصم و ذل الأجانب إذا أنت نفسية نفس بعمرك لا تنفس بالعالم يالنفسية

خالد فهد المقرن
Tuesday 24 May 2016, 9:07 am
اتمنى اني ادرس في معهد ارامكوا وتطور من نفسي

صالح العنزي
Tuesday 24 May 2016, 8:34 am
حبيبي انا باقيلي ترم واتخرج. انصح الجميع فيها ومن ناحيه الرواتب ممتازه وخصوصا اذا حطوك في منطقه نائيه مثل خريص او الوسيع . ومن ناحيه الدراسه شد حيلك شوي وامورك تمشي

ابو حمد
Tuesday 24 May 2016, 6:03 am
هذا فايز الشلاحي ازعجنا بكل مكان بالعسكرية وبالقطاع الخاص لا تسجلوا خايسه وفي النهاية هو يسجل ـ اترك عنك الناس وقل خير ولا اصمت

ابومعاذ
Tuesday 24 May 2016, 5:42 am
ياشباب هذي وظائف للي مستواه وطموحاته متدنيه عمال يعني ادرسو وشدو حيلكم ولا تضيعون مستقبلكم بالتوظيف بالثنوي

فايز الشلاحي
Tuesday 24 May 2016, 5:17 am
يا احمد حرام والله درجاتك تؤهلك لكل الجامعات حتئ الابتعاث يقبلونك هاذا برنامج منتهي با التوضيف وبدون شهاده يعني يوضفوتك بشهاده ثانويه هاذا البرنامج مايدخله الا انسان ضروفه الماديه صعبه او كبير با العمر مسماك الوضيفي فني " استخير وشوف الي يناسبك من كل الجوانب

عبدالله العبدلي
Tuesday 24 May 2016, 4:05 am
السلام عليكم يخوان وش تنصحوني ادرس جامعة ولا اخش ارامكو وكيف رواتب ارامكو بعد التخرج!

عبدالعزيز الزهراني
Tuesday 24 May 2016, 2:15 am
السلام عليكم .. انا قبل سنتين قدمت عليهم وخلصت جميع الاجراءات وتم تحديد تحديد الدورة وفي الاخر سحبو علي .. ليش ؟ مادري

مروان يحي عبده الهادي
Tuesday 24 May 2016, 2:01 am
انا نسبتي 57 في القدرات راح يقبلوني اولا

احمد
Monday 23 May 2016, 10:22 pm
يعيال انا نسبتي 95٪ في الثانويه و 83٪ في قياس و 75٪في التحصيلي تنصحوني اكمل دراسه ؟؟

ناصر
Monday 23 May 2016, 10:04 pm
ياشباب انصحكم فيها وضيفه رسمية و ايذا تقاعدت يعطونك مليونين ايذا انت موظف يعونك بيت وايذا انت عندك بيت يعطونك بدل سكن بقيمة 45 الف للمبتدئين كل سنه اسئل اي واحد في ارامكو رواتبك في السنه 14 راتب دعواتكم ليي ...

فاعل خير
Monday 23 May 2016, 8:17 pm
بالنسبه للي يسأل عن البرنامج الشروط واضحه طبعا الي اقل من 75 السستم ماراح يقبل راح يقول له درجتك ليست مؤهله وبالتوفيق

بيروقراطي
Monday 23 May 2016, 6:50 pm
السلام عليكم ، نسبتي علوم طبيعية 89٪ والقدرات 76 وش نصايحكم ي جماعة الخير.

ابو عبدالله 3333
Monday 23 May 2016, 6:08 pm
اعرف شخص موظف بارامكو كان يدرس جامعه مثل الناس العديين وتركها وراح لجامعة الملك فهد للبترول والمعادن وتخرج منها وتوظف بارامكو مهندس وماشاء الله عليه راتب وعز بس الظروف كانت اقوى منه والله وماساعده بعد الله الا راتبه والمميزات الي اعطوه اقل شي لو تمرض لاسمح الله ما تطيح بمستشفى حكومي وتنغث والا خاص من جنبها

مشاري الخالدي
Monday 23 May 2016, 5:39 pm
السلام عليكم يا شباب انا اضم صوتي مع فايز ترى الشركات نكبه ما عندهم مصداقيه صدق ان شركه ارامكو حلوه بس هذا في الماضي والله انا مثل فايز قدمت بالثانوي وانقبلت وسويت كل شي وفي النهايه مع الباب وكذالك صداره والكهررب وغيرها يعني تنتظر شهور واخر شي ما يقبلونك ف لا تعتمد عليها كمل دراسه الين ما يجيك القبول النهائي بعدين انت اختار وبالتوفيق . عسكريه تايم

فايز الشلاحي
Monday 23 May 2016, 5:33 pm
خلصت كل مراحل القبول بشركه الكهرباء وهسه انتضر القبول النهائي الميزه الي خلتني اسجل هي التعين في نفس المنطقه ..فقط

فايز الشلاحي
Monday 23 May 2016, 5:29 pm
صدقت يا احمد الشلاحي الشهاده افضل وترفع قريدك الموضف با الثانوي يحك 10 سنين حتئ يوصل لقريد الجامعي او الدبلوم

فايز الشلاحي
Monday 23 May 2016, 5:26 pm
ياسلطان انا نصحتهم يكملون دراستهم ياخي ماقلت اتركو ارامكو قدمو الله يوفقكم لاكن الدراسه الجامعيه خير من البرامج هاذي وان شاء الله راح تتذكرون كلامي

ارامكو
Monday 23 May 2016, 5:15 pm
الي نسبته 69 ماراح يقبلونه هم يقبلون اكترونيا وجميعكم تنقبلون الي الشروط متوفره عندهم وترا عندهم اختبار انجليزي مع رياضيات لازم تكون عندك تعرف تحل القطعه وتعبر عن شيئ والرياضيات سهل شوي وبالتوفيق للجميع

سلطان.
Monday 23 May 2016, 3:05 pm
ياقوم اعلمكم بقصة فايز الشلاحي وش هي.. الادمي انرفض ب ارامكو واختبر معاي السنه اللي راحت بالاحسأء لشركه صدارة وانرفض.. وعشان كذا يطفش الناس بالوظايف لو انه انقبل كان درعم ولا قال هالكلام.. استمرو ياشباب الله يوفقكم واللي يبي هالبرنامج يقدم عليه تراه جيد جدا

عبدالله
Monday 23 May 2016, 1:19 pm
ي شباب اللي عليه مخالفات يقبلوه ولا لا افيدوني انا على مخالفات

فايز الشلاحي
Monday 23 May 2016, 1:03 pm
ياريان انصحك كمل هندسه تاخذ شهاده ووضيفه ان شاء الله والراتب دبل

فايز الشلاحي
Monday 23 May 2016, 1:01 pm
انا نصحت ماقلت اتكركوها افهمو كوويس

ياسم
Monday 23 May 2016, 12:53 pm
لاحد يفوت ارامكو شركة اتوفر لك كل ما تحتاج اسأل الله العظيم ان يوفقنا جميعا

مشعل
Monday 23 May 2016, 12:44 pm
قدراتي 66 يقبلوني توقعون

مشعل بن ابراهيم
Monday 23 May 2016, 12:38 pm
الرواتب كم للمتدربين وكم بعد التوضيف

Moh
Monday 23 May 2016, 12:19 pm
فايز انت وش سويت بشركه الكهرباء لي قريب جاه قبول وماراح لهم انت وش سويت معهم

احمد الشلاحي
Monday 23 May 2016, 11:42 am
نصيحة ياشباب اللي ماعنده ظروف مرة قوية تحده انه يتوظف لايتوظف بالثانوي ابد يكمل تقنية او جامعة وربي شهادتك تعزك انا موظف في ارامكو بالثانوية لي ثلاث سنين ماترقيت وجو بعدي ناس تقنية قريدهم اعلى مني واللي يجي مهندس عاد وضعه غير الله يوفقكم بس لاتنسون نصيحتي لكم

ccpy01
Monday 23 May 2016, 11:28 am
يا ريان نصيحة كمل دراستك - مجالك مرغوب في سوق العمل إلى الأبد و ما يوقف الطلب عليه- أما توظيف أرامكو مثل ما قال أحد الشباب مميزات اليوم تشوفها كبيره لكن بعد ما تخدم سنة راح تنذل عشان شهادتك ثانوية مش بكالوريوس بالتوفيق

طالب ارامكوا
Monday 23 May 2016, 11:06 am
والله والله انه افشل معهد ع وجه الارض رواتب ظعيفه ودوام طول السنه و يبعدونك من اهلك

سيف
Monday 23 May 2016, 10:33 am
ريان اذا نعدلك مو زين بالهندسه وتشوف انك مقصر انصحك قدم عليهم وخل الهندسه واذا هو مرتفع مستواك لا بالله كمل

سعودي تبوك
Monday 23 May 2016, 10:12 am
ماعليكم من فايز الشلاحي قدموا ياشباب والتوفيق من عند الله قدم بكل مكان ماتدري وين يكون نصيبك فيه وتوكل على الله بكل حاجياتك

سعود
Monday 23 May 2016, 10:08 am
ي فايزانت مو انقبلت بالكهرباء لية م كملت جامعة ولا مزعج الناس وانت بالكهرب وتدريب كمان

احمد بن غليص
Monday 23 May 2016, 9:39 am
يا فايز الشلاحي وش سالفتك بكل مكان بالتوظيف تكتب لحد يسجل او كله واسطات ؟؟ اشك فيك انت وراك بلا تبي تكره عيال الناس بالوظايف ترا لو شفتك ثاني مره ابلغ عليك

ابو محمد
Monday 23 May 2016, 9:26 am
ياليته تجيني لكن انا صعبه علي بحكم انهم يبون العمر ما يتعدى 24

ريان
Monday 23 May 2016, 9:15 am
نسبتي بالثانويه 98،87 والقدرات 82 تنصحوني أترك الهندسه وقدم عليهم ؟؟

فايز الشلاحي
Monday 23 May 2016, 9:06 am
انصح الجميع بأكمال الدراسه اتركو هالبرامج الخايسه يدرسونك سنتان ويوضفوك بشهاده الثانوي
أضافة تعليق
الإسم : *
البريد الالكتروني : *
تأكيد البريد الالكتروني : *
التعليق : *
الرمز الأمني : *